Usa unta ka malinawon nga bakasyon alang sa usa ka pamilya, apan wala damha nga mo resulta kini sa trahedya human ang mini van nga gisakyan nawad-an og preno ug nabangga sa punoan sa lubi,nga nikalas sa 9 anyos nga batang babaye.
Ang biktima giila nga si Samantha Faith Palallos Tejero, residente sa Barangay Cansaga, Consolacion. Siya namatay alas 10:10 sa gabii sa Cebu Provincial Hospital sa Danao City tungod sa grabeng kadaot sa iyang lawas.
Base sa imbestigasyon sa Carmen Police Station, ang pamilya gikan sa Durano Eco-farm Resort sa Corte, Carmen, ug sakay sa usa ka mini van nga gimaneho ni Ricky Cañacao Tejero, 34 anyos, nga taga Barangay Pulpogan, Consolacion.
Matod sa kapulisan, nawagtangan og brake ang sakyanan samtang nagbiyahi pauli sa ilang lugar. Ang drayber naningkamot nga makalikay apan nadasmag kini sa punuan sa lubi.
Walo pa ka sakay ang naangol ug giluwas sa mga rescuers, lakip na ang mga ginikanan ug paryente sa biktima. Sila gidala dayon sa ospital human makasinati og samad sa nagkadaiyang parte sa lawas.
Apan si Samantha Faith, nga labing ubos ang panuigon sa grupo, maoy na grabihan. Wala na kini makaluwas sa grabeng kadaot nga iyang naangkon.
Padayon pa ang imbestigasyon sa kapulisan aron masuta kung aduna bay kapakyasan sa maintenance sa sakyanan o kakulangan sa pagbantay sa seguridad sa drayber.
I via Renante Socia Lada