Nasikop ang usa ka aktibong pulis nga gipasanginlang nangabuso og sibilyan. Didto sa Barangay Sapang Daku, Cebu City.
Ang suspetsadong pulis giila nga si PCpl Ivan Gabutan Labra, 31 anyos, sakop sa Station 3 sa Mandaue City Police Office. Siya giingong mikulata ug mition og pusil sa biktima nga si Nerson Rosaceña Almario, 32 anyos, sa sayong kadlawon sa Abril 7.
Base sa imbestigasyon, si Labra giingong nani- on og Canik 9mm pistol (serial number T6473-18 BG 09789) ngadto kang Almario samtang kini gikulata, ang maong panghitabo nagdala og dakong kabalaka sa mga residente na maoy hinungdan nga ila kining gitaho.
Nadakpan si Labra sa Guadalupe Police Station pasado alas 9 sa buntag sa parehas nga adlaw. Giatubang na niya karon ang kaso nga Grave Threat ug Physical Injuries.
I via Renante Socia Lada