Nagpadayon ang mandatory drug testing sa tanang police personnel sa Central Visayas nga gihimo sa Police Regional Office 7 (PRO7) ubos sa mando ni Regional Director PBGEN Redrico A. Maranan, sumala sa direktiba sa Chief PNP.
Sa nasayran, 84% sa mga pulis sa rehiyon ang napaubos na pinaagi sa drug test. Magpadayon ang proseso hangtod 100% sa personnel ang makasusi sa maong test.
Tumong sa drug testing nga masiguro nga drug-free, disiplinado, ug propesyonal ang tanang pulis, ug mapalig-on ang pagsalig sa katawhan sa kapulisan.
Matod ni PBGEN Maranan, importante kaayo ang integridad ug maayong pamatasan sa matag pulis tungod kay kini maoy basihan sa pagsalig sa publiko.
“The trust and confidence of the public in our police force depend on the integrity and professionalism of each member. Upholding moral standards is not just a requirement but a responsibility that defines who we are as officers of the law.”
Gisiguro sa PRO7 nga mosunod sila sa tanang direktiba sa national headquarters ug magpadayon sa ilang paningkamot aron mapadayon ang limpyo ug kasaligan nga police force sa tibuok Central Visayas.
Source: PRO7 PIO
I via Renante Socia Lada
#rpndykccebu
#675hzamband
#tandemexpress