Padayon ang Cebu Provincial Government ubos sa pagpangulo ni Governor Pamela S. Baricuatro sa paghatag og tabang sa mga habal-habal driver nga naapektuhan sa pagsaka sa presyo sa gasolina.
Niadtong Hulyo 8, 2026, gipahigayon ang ayuda sa lungsod sa Barili, Cebu.
Mikabat sa 806 ka habal-habal driver ang nakadawat og ₱3,000 nga cash assistance ug 10 ka kilo nga bugas aron makatabang sa ilang adlaw-adlaw nga panginabuhi.
Gawas sa cash ug bugas, nanghatag usab ang Kapitolyo og mga veterinary supplies isip suporta sa mga komunidad ug sa ilang mga hayop.
Matod sa Cebu Provincial Government, kabahin kini sa ilang padayon nga programa aron matabangan ang mga habal-habal driver nga naapektuhan sa krisis sa gasolina ug masiguro nga makaabot ang tabang sa nagkadaiyang lungsod sa lalawigan.
I via Renante Socia Lada