Uban sa kusog nga panaghiusa sa mga yunit sa Police Regional Office 7 (PRO7) ug sa intelligence gathering, 79 ka mga wanted nga indibidwal ang nadakpan sa tibuok rehiyon sa sulod lang sa tulo ka adlaw, sugod niadtong Abril 11, 2025.
Sa maong gidaghanon, 16 niini ang gilista isip Most Wanted Persons (MWPs) tungod sa seryosong mga krimen sama sa pagpatay, pagpanglugos, drug trafficking, ug acts of lasciviousness. Ang nahibilin nga 63 ka indibidwal gi-kategorya isip Other Wanted Persons (OWPs), nga nag-atubang sa lain-laing kasong kriminal.
Gipahigayon ang mga operasyon pinaagi sa coordinated manhunt missions sa tibuok rehiyon, nga nagsimbolo sa kamaayo ug dedikasyon sa mga sakop sa PRO7.
Sumala ni Police Brigadier General Redrico A. Maranan, Regional Director sa PRO7 nga gipangabdaman pag ayo nila ang Semana Santa ug umaabot nga national elections, gipakusog usab ang mga lakang sa seguridad aron dili makaapekto ang mga kriminal nga elemento sa kalinaw ug seguridad sa komunidad.
Ang pagdakop sa 79 ka wanted nga personalidad nagpamatuod sa padayon nga paningkamot nga mapadayon ang kalinaw ug kaayohan sa Central Visayas.
Gipadayag sa PRO7 nga magpadayon ang ilang paningkamot sa pagpangita ug pagdakop sa mga milapas sa balaod. Gihangyo usab nila ang publiko nga motabang pinaagi sa paghatag og impormasyon kabahin sa mga wanted persons sa ilang lugar.
Source: PRO7- PIO
I via Renante Socia Lada
#rpndykccebu
#675hzamband