Sa gilusad nga region-wide nga kampanya batok sa ilegal nga armas, 32 ka tawo ang nadakpan ug 104 ka armas ang narekober sa Police Regional Office 7 (PRO7) sulod sa tulo ka adlaw nga operasyon gikan Abril 11 hangtod 13, 2025. Ang maong operasyon kabahin sa Simultaneous Anti-Criminality Law Enforcement Operation (SACLEO) sa rehiyon.
Gipahigayon ang 101 ka focused operations nga nagtinguha sa pagpahunong sa illegal nga pagpanag-iya ug paggamit sa armas. Apil sa mga narekober mao ang mga armas nga nasakmit, gisurender, ug boluntaryong gitahan. Duha usab ka granada ang nakuha atol sa operasyon.
Ang tumong sa operasyon mao ang paglikay sa kasamok ug krimen nga may kalabotan sa paggamit sa pusil sa Central Visayas.
Gipadayag ni Police Brigadier General Redrico A. Maranan, Regional Director sa PRO7, ang iyang pasalamat sa tanang operatiba nga mipartisipar sa kalampusan sa operasyon. Giingon niya nga ang tinuod nga kalinaw ug kahapsay dili lang sa ilegal nga drogas, apan apil usab ang pagsumpo sa hinungdan sa kasamok, sama sa ilegal nga armas.
Nagpadayon ang panawagan sa PRO7 sa publiko nga motabang ug magreport sa bisan unsang impormasyon kabahin sa illegal nga armas. Ang tanang impormasyon mahimong ipaabot sa pinakaduol nga police station o sa mga communication platforms sa PRO7.
Source: PRO7-PIO
I via Renante Socia Lada
#rpndykccebu
#675hzamband