Aron mapalambo pa ang kahapsay ug kalinaw, pormal nga gilusad sa Police Regional Office 7 (PRO7) ang Regional Tactical Drone Squad karong Lunes, Abril 14, 2025, didto sa Camp Sergio Osmeña Sr., Cebu City.
Ang maong inisyatiba gipangulohan ni Police Brigadier General Redrico Maranan, Regional Director sa PRO7, nga maoy kabahin sa bag-o nga mga lakang sa Philippine National Police (PNP) aron gamiton ang abanteng teknolohiya sa drone alang sa aerial surveillance, tactical operations, traffic monitoring, search and rescue, ug disaster response.
Gisulti usab niya nga gamiton ang mga drone panahon sa summer vacation, Semana Santa, ug sa umaabot nga eleksyon.
Ang squad naglangkob sa 50 ka operational drones nga gimaneho sa mga batid nga drone operators. Kini ang unang yunit sa Central Visayas nga gilangkuban sa ing-ani nga kapasidad. Ang mga drone adunay high-resolution cameras, real-time video feeds, ug GPS tracking, nga makatabang sa mga operasyon batok krimen, pagpugong sa kagubot, ug paspas nga tubag sa emerhensiya.
Atol sa paglusad, gipahigayon ang usa ka live demonstration sa abilidad sa mga drone, nga nagpakita sa ilang ka-epektibo sa parehong urban ug rural nga mga dapit.
Nagpadayon ang PRO7 sa pagpamuhunan sa teknolohiya nga nakasentro sa ilang misyon nga pagpanalipod sa katawhan ug pagpanalipod sa kalinaw ug seguridad sa rehiyon.
Source: PRO7, PIO
I via Renante Socia Lada
#rpndykccebu
#675hzamband