Usa ka 75-anyos nga mag-uuma ang nakit-ang patay human maanod sa baha atol sa kusog nga ulan sa bukirang bahin sa Dakbayan sa Naga niadtong Hunyo 7, 2025.
Ang biktima giila sa Naga City Police Station nga mao si Dionesio, residente sa Brgy. Patag Bukid, Naga City. Sumala sa unang imbestigasyon sa kapulisan, si Lolo Dionesio nag-atiman sa iyang kabaw sa kabukiran sa Purok Bugnay, Barangay Alpaco sa dihang kalit mibunok ang kusog nga ulan.
Tungod sa kalit nga pagbaha, nadala kini sa kusog nga agos sa tubig ug wala dayon kini makita sa iyang pamilya. Sa pagkabuntag sa sunod adlaw, nakit-an na lamang kini nga wala nay kinabuhi sa maong lugar.
Padayon ang imbestigasyon sa kapulisan samtang gipahimangnoan ang publiko nga mag-amping ilabi na sa panahon sa kusog nga pag-ulan.
I via Renante Socia Lada