Nakadawat og ₱10,000 matag pamilya ang 677 ka pamilya nga biktima sa sunog sa Mandaue City gikan sa opisina ni Senador Bong Go, kagahapong adlawa, Pebrero 8, 2025.Gawas sa pinansyal nga tabang, nakadawat usab sila og mga food packs.
Nagpasalamat si Mandaue City Mayor Glenn Bercede sa hinabang nga gihatag sa Senador, nga dako og tabang sa mga apektadong pamilya. Kauban niyang mipadangat sa ilang pasalamat ang mga konsehal sa syudad nga sila si Maline Cortes-Zafra, Jen Del Mar, Jimmy Lumapas, ug Oscar Del Castillo, uban ni ABC President Dante Borbajo.
Mitambong usab sa kalihukan ang kanhi ABC President Ernie Manatad, kanhi Bise Mayor Carlo Fortuna, ug ang mga opisyales sa nagkalain-laing barangay, lakip si Alang-Alang Barangay Captain Jj Go, Paknaan Barangay Councilor Marco Sanchez, ug Maguikay Barangay Councilor Jojie Espina.
Ang maong ayuda usa sa mga inisyatiba sa Senador aron matabangan ang mga biktima sa kalamidad ug makabangon balik sa ilang panginabuhi-an.
Source: Mandaue City PIO
I via Renante Socia Lada