General Santos City – Ang bag-ong Muslim Prayer Room sa 3rd Floor sa SM City General Santos pormal nga giablihan ni Mayor Lorelie Geronimo Pacquiao, uban ni CMO-ICCAD Head Jocelyn Lambac Kanda, SM Mall Manager Engr. Hermon Hernandez, ug mga lider sa Muslim community. Gipasalamatan ni Mayor Pacquiao ang pamunuan sa SM sa paghatag ug hamugaway nga dapit sa pag-ampo sa atong mga kaigsoonang Muslim, isip pagpakita sa pagtahod ug pag-ila sa ilang pagtuo.
Kabahin sa selebrasyon, gipahigayon usab ang draw lots alang sa libreng Hajj sponsorship, diin napili si Solaiman Sangcopan gikan sa Gensanville, Barangay Bula. Suportahan siya ni Mayor Pacquiao ug Congressman Ton Acharon sa pagpahigayon og Hajj sa Mecca karong 2025.
Kini nagpakita sa paningkamot sa administrasyon ni Mayor Pacquiao sa pagpasiugda sa panaghiusa ug pagtahod sa pagtuo sa matag Heneral. (Rem Agdon)
News&Photos: CMO