Usa ka 80-anyos nga tigulang nga si Samuel Contridas ang namatay human gisungay sa usa ka kabaw sa bukiran nga bahin sa Barangay Dapdap, Pilar, Camotes Island, alas 4:46 sa hapon sa Byernes, Pebrero 7, 2025.
Base sa imbestigasyon sa Pilar Police Station, ang biktima naglakaw padulong mangahoy sa maong dapit. Ang kabaw nga gihiktan nakakita kaniya, milugnot ug naputol ang pisi, hinungdan nga gisungay ang tigulang. Si Contridas nakaangkon ug grabeng samad sa tiyan nga miresulta sa iyang kamatayon.
Ang mga tagtungod sa biktima nidawat sa usa ka amicable settlement human misaad ang tag-iya sa kabaw nga moabaga sa tanang galastuhan sa haya ug pagpalubong sa patayng lawas.
Ang maong insidente usa ka makapahinumdom sa peligro nga mahimong mahitabo sa mga bukirang dapit diin ang mga hayop sama sa kabaw anaa sa palibot. Ang mga tag-iya sa hayop gi-awhag nga gikinahanglan nga maghimo ug mga lakang aron malikayan ang susamang mga aksidente, sama sa pagsiguro nga ang mga pisi ug higot lig-on ug dili dali maputol.
📸 Pilar Municpal Police Station
I via Renante Socia Lada