Nakit-an na ang unom ka foreign hikers nga nawala samtang misaka sa Mt. Talinis sa Negros Oriental, sukad niadtong Marso 19, 2025.
Nakaplagan ang duha kagahapon ug ang upat kagahapong adlawa, Marso 22, 2025.
Ang grupo nasayran nga misaka sa bukid apan nawad-an og agianan, nagkatibulaag sila ug subra 24 oras nga nag tuyok- tuyok sa Mt. Talinis. Ang Mt. Talinis, usa sa labing taas nga bukid sa Negros, ilado sa mga mountaineer tungod sa kalisud sakaon, ug talagsaong wildlife.
Apan, delikado kini kung walay saktong pagpangandam, labi na sa panahon nga lisud ang agianan tungod sa ulan ug kakapoy sa mga hiker.
Nagpahimangno ang mga otoridad sa tanang mountaineers nga mag-andam og insakto, magdala og kompleto nga survival gear, ug mag-coordinate sa mga rescue teams aron malikayan ang susamang insidente sa umaabot.
Sa pagkakaron ang mga na luwas nga mga langyaw giatiman na sa lokal nga kagamhanan sa maong lugar. (Renante Socia Lada)