Gibungkag sa kapulisan ang usa ka sindikato sa gunrunning nga nalambigit sa pagpamaligya og ilegal nga armas sa tibuok nasud. Usa ka kanhi opisyal sa Danao City ang kasamtangang gipangita, samtang tulo sa iyang mga kauban ang nadakpan atol sa usa ka buy-bust operation sa Barangay Suba, Danao City, sa kadlawon sa Marso 21, 2025.
Ang operasyon gimando sa mga personahe sa Regional Special Project Unit (RSPU) 7, kauban ang Regional Mobile Force Battalion (RMFB) 7, human sa dugay nga pagpaniid ug surveillance sa maong ilegal nga binuhatan.
Lakip sa narekober sa operasyon ang mosunod: 3 ka .45 caliber pistols uban sa 6 ka walay sulod nga magasin,1 ka wala pa ma-assemble nga KG9 machine pistol uban sa 2 ka walay sulod nga magasin, ug 1 ka wala pa ma-assemble nga Black Widow 9mm pistol Matod sa mga otoridad, ang nadakpan nga mga suspek nalambigit sa pagpamaligya og ilegal nga armas sa mga kriminal nga grupo, dili lang sa Central Visayas, apan sa ubang lugar sa nasud.
โThis successful operation is part of our intensified campaign to dismantle illegal firearms networks and prevent weapons from falling into the wrong hands. We will not stop until all individuals involved are held accountable,โ matod ni PBGEN Redrico A. Maranan, Regional Director sa PRO7.
Ang tulo ka nadakpan mag atubang sa kaso ilawom sa Republic Act No. 10591 (Comprehensive Firearms and Ammunition Regulation Act), nga adunay kalambigitan sa Omnibus Election Code. Samtang, padayon ang operasyon sa mga otoridad aron madakpan ang nakasibat nga kanhi opisyal.
Ang PRO7 nag-awhag sa publiko nga mohatag og impormasyon nga makatabang sa pagdakop sa maong piniriso. Padayon ang kampanya sa kapulisan batok sa gunrunning ug organisadong krimen. (Renante Socia Lada)
(Source: PRO7, PIO)