Gitunol ngadto 18 ka mga Tropa sa 901st Infantry Brigade ug 401st Infantry Brigade ang Gold Cross Medal (GCM) diin mao ang 3rd Highest Award o ikatulo sa pinakataas nga award nga ihatag sa usa ka sundalo.
Gitunol kini isip pagsaludo sa ilang kaisog o Bravery in Combat nga mihantong sa pagkamatay sa iladong rebelde nga si Myrna Sularte o mas naila nga si Maria Malaya sa may Alcoseba Hall, Camp Evangelista, Brgy. Patag ning syudad sa Cagayan de Oro karong adlawa, February 17, 2024.
Lakip sa mga mitunol mao sila si LTGEN. LUIS REX D. BERGANTE
Commander, Eastern Mindanao Command, AFP
BGEN MICHELE B ANAYRON JR
Commander of the 4ID, PA
BGEN ARSENIO DC SADURAL
Bde Commander, 901st Bde, 9ID, PA
COL EMIL CRUZ
ACTING BRIGADE COMMANDER, 401Bde, 4ID, PA
Si Maria Malaya mao ang asawa ni anhing Jorge “Ka Oris” Madlos, kinsa usa ka iladong lider sa New People’s Army (NPA) National Operations Command (NOC), kinsa napatay niadtong Oktubre 2021 sa engkwentro batok sa pwersa sa gobyerno sa Bukidnon.
Siya ang nag-operate sa rehiyon sa Caraga ug Northern Mindanao, diin siya ang responsable sa daghang mga kagubot, lakip ang pagpatay sa mga sibilyan, pagguba sa mga gamit sa gobyerno, ug uban pang mga teroristang kalihokan sa mga probinsya sa Surigao ug Agusan.
Nag-atubang usab kini og daghang mga kasong kriminal, lakip ang rebelyon, pagpatay, daghang pagpatay ug frustrated murder, ug uban pa.