Usa ka trahedya ang nahitabo sa Sitio Bonsai, Barangay Bolinawan, Carcar City, niadtong Oktubre 29, human nadasmagan sa usa ka motorsiklo ang usa ka 5-anyos nga batang babaye ug ang iyang 65-anyos nga apohan.
Sumala sa imbestigasyon sa Carcar Traffic Enforcement Unit, ang motorsiklo nga giingong GSXR Suzuki nga may temporary plate number 0701-678404, kusog ang dagan ug mibangga sa duha samtang milabang kini sa kalsada pasado alas-7 sa gabii.
Human sa insidente, dali nga misibat ang drayber ug gibiyaan ang motorsiklo sa dapit.
Gidala pa sa tambalanan ang mga biktima, apan gideklarar nga dead on arrival ang batang babaye, samtang kritikal pa ang kahimtang sa apohan.
Padayon ang imbestigasyon sa kapulisan aron matino kinsa ang tag-iya ug drayber sa maong motorsiklo nga mibiya sa lugar sa krimen.
I via Renante Socia Lada