Gi-dagsa sa dili muminos 450 ka mga beneficiaries ang pag abot ni Senador Ronald “Bato” Dela Rosa sa dakbayan sa Mandaue, kagahapong adlawa, Oktobre 7, 2023, didto sa Barangay Pagsabungan gym.
Ang mga mudawat sa hinabang kadtong mga benepisyari sa Assistance in Crisis Situation (AICS) diin matag usa kanila nidawat og tag P4,000 mil.
Ang maong hinabang nga cash assistance pinaagi sa panaghiusa sa buhatan ni Congresswoman Emmarie “Lolypop” Ouano-Dizon ug Senador Dela Rosa.
Nikabat og P1.8 milyon ang nadawat sa mga benipisyari sa mga nagkalaing-laing mga sektor sa Barangay Pagsabungan, Barangay Basak ug Barangay Cubacub sa siyudad sa Mandaue.
Nipasalig si Senador Dela Rosa na kanunay siyang mosuporta sa mga Mandauehanon.
Nag awhag usab ang Senador ngadto sa mga benepisyari na dili gamiton sa sugal ug bisyo ang kwarta na hinabang.
Sa kinatibuk-an daghan ang nalipay ug nagpasalamat sa programa sa Congresista ug Senador na mga hinabang sa siyudad sa Mandaue. (Renante Socia Lada)
(News & photo courtesy by Congresswoman Emmarie “Lolypop” Ouano-Dizon)