Upat ka mga tawo, lakip ang giingong tag-iya sa drug den, ang nadakpan sa buy-bust operation nga gihimo sa mga sakop sa PDEA Lapu-Lapu City Team ug sa Lapu-Lapu City Police Station 3 niadtong alas 10 sa gabii, Hulyo 1, 2025 sa Humay-Humay Road, Barangay Pajo.
Nasikop ang target sa operasyon nga nailhan sa alyas John, 38 anyos, usa ka construction worker ug residente sa maong dapit.
Apil nga nadakpan ang tulo ka mga bisita sa drug den nga giila sa alyas Gene, 45, usa ka welder; Christian, 28, construction worker; ug Ali, 25, tindero, pulos taga Barangay Pajo.
Nasakmit sa operasyon ang unom (6) ka pakete sa shabu nga gibana-banang 10 gramos ug nagkantidad og ₱68,000. Apil usab nga nakuha ang mga rolled tin foil nga may drug residue, buy-bust money, ug lain-laing drug paraphernalia.
Ang mga ebidensya gisumiter na sa PDEA 7 Regional Office Laboratory alang sa husto nga pagproseso.
Kasong paglapas sa Sections 5, 6, 7, 11, ug 12, Article II sa RA 9165 (Comprehensive Dangerous Drugs Act of 2002) ang ipasakang kaso batok sa mga suspetsado nga karon gibantayan sa PDEA 7 detention facility sa Lahug, Cebu City.
Gipahimangnoan sa otoridad nga ang mga drug den usa ka hulga sa kalinaw ug kahapsay sa komunidad.
Source: PDEA-7
I via Renante Socia Lada