Gibungkag sa mga otoridad ang usa ka drug den ug nadakpan ang tulo ka suspetsado atol sa buy-bust operation nga gipahigayon sa PDEA Regional Special Enforcement Team uban sa PNP Drug Enforcement Group/Special Operations Unit 7 ug Cebu City Police Station 10 niadtong Hulyo 2, 2025, alas 4:50 sa hapon sa Sitio Bon-ami, Barangay Labangon, Cebu City.
Gidakop ang target sa operasyon nga giilang si alias Johnric, 34 anyos, usa ka construction worker ug residente sa maong lugar.
Apil sa nadakpan ang duha ka bisita sa drug den: si alias Kenjie, 20 anyos, usa ka high school student, ug si alias Lee, 40 anyos, usa usab ka construction worker. Sila puros taga Labangon.
Nasakmit sa operasyon ang napulo’g usa (11) ka pakete sa shabu nga gibana-banang 35 gramos ang timbang ug nagkantidad og ₱238,000, buy-bust money, ug ubang drug paraphernalia.
Gisumiter na sa PDEA 7 Regional Office Laboratory ang tanang ebidensya alang sa tukmang disposisyon.
Kasong paglapas sa Sections 5, 6, 7, 11, ug 12, Article II sa RA 9165 ang giandam batok sa mga suspetsado nga karon gibantayan sa PDEA 7 detention facility sa Lahug, Cebu City.
Matod pa sa PDEA nga ang mga drug den usa ka hulga sa kalinaw ug seguridad sa komunidad.
Source: PDEA-7
I via Renante Socia Lada