Duha ka drayber ang pulos namatay human nagkabangga ang ilang mga motorsiklo alas 2:10 sa kaadlawon, Nobyembre 30, 2024, sa National Road, Barangay Pundol, Balamban.
Ang mga biktima mao si Ellroy Alcular Creta, residente sa Abucayan, Balamban, nga nagmaneho og Yamaha Nmax, ug si Jeffrey Tatoy Solasco, taga Maghan-ay, Tuburan, nga drayber sa Rusi nga motorsiklo.
Base sa imbestigasyon sa Balamban Police Station, ang Rusi nga motorsiklo gituohang nisulay og counterflow sa nasangpit nga dalan, ug gikasugat niini ang Yamaha Nmax, hinungdan sa kusog nga head-on collision.
Ang duha ka drayber naka-angkon og grabeng kadaot sa ilang lawas ug gisuway pag dala sa Balamban Provincial Hospital, apan gideklarar silang dead on arrival.
Padayon pa usab ang imbestigasyon sa kapulisan aron pagsuta sa maong aksidenti na nikutlo og mga kinabuhi. (Renante Socia Lada)