Gipahibawo sa Philippine Drug Enforcement Agency (PDEA) – Rehiyon 7 nga niabot sa 39 ka mga barangay sa Central Visayas ang opisyal nga giila nga drug-cleared human sa hingpit nga deliberasyon sa Regional Oversight Committee on Barangay Drug Clearing (ROCBDC).
Sumala ni Alex Tablate, direktor sa PDEA-7, ang ROCBDC maoy naghatag sa maong status human makapasar ang mga barangay sa mga gipahamtang nga parameter, lakip na ang aktibo ug epektibong Barangay Anti-Drug Abuse Council (BADAC).
Ang breakdown mao kini:
27 barangay gikan sa probinsya sa Sugbo
9 barangay gikan sa Bohol
2 barangay gikan sa Lapu-Lapu City
1 barangay gikan sa Cebu City
Sa laing bahin, gipahibawo usab ni Tablate nga sa Siquijor, 12 ka komunidad ang gideklarar nga drug-cleared samtang duha ka barangay ang giila nga drug-free.
Kini nga paningkamot nagpakita sa padayon nga kolaborasyon aron mapalambo ang luwas ug drug-free nga mga komunidad sa rehiyon. (Renante Socia Lada)
(Source: PDEA-7)