Sa Biyernes, Nobiyembre 22, 2024 gipahibalo sa Police Regional Office 7 (PRO7) ang pagkasakmit sa mga ilegal nga drogas nga nagkantidad og maabot Php109.5 milyon atol sa usa ka hugpong nga operasyon batok sa drogas sa Central Visayas. Kini nagpakita sa dedikasyon ug kaepektibo sa mga awtoridad aron mapakunhod ang kalihokan nga may kalabutan sa ilegal nga droga sa rehiyon.
Si PRO-7 Regional Director Police Brigadier General Anthony Aberin mipahayag sa iyang garbo sa kalampusan sa nagkadaiyang yunit sa kapulisan nga nahilambigit sa operasyon.
“This operation is the largest drug bust of November, reflecting months of strategic intelligence gathering and thorough monitoring of high-profile drug traffickers. I commend the teams for their hard work and determination in these operations,” segon ni PBGen Aberin.
Mga nag unang kalampusan sa Operasyon sa kapulisan:
1. Dakong Operasyon sa Lapu-Lapu City
Alas 3:06 sa kaadlawon, Nobyembre 22, gipangulohan sa City Intelligence Unit/City Drug Enforcement Unit sa Lapu-Lapu City Police Office, kauban ang NISG-NAVFORCEN ug Regional Intelligence Unit 7, ang usa ka planado kaayong operasyon. Gisikop ang usa ka 42-anyos nga high-profile drug suspect ug nakuha ang kapin sa 15 ka kilong shabu nga gitago sa trolley bag, nga nagkantidad og Php102,340,000.
2. Operasyon sa Barangay Bulacao, Cebu City
Niadtong Nobyembre 21, alas 9:42 sa gabii, gipangulohan sa Regional Police Drug Enforcement Unit ang pagdakop sa usa ka suspetsado sa Saint Jude Street, Barangay Bulacao. 200 gramos nga droga nga nagkantidad ug Php1,360,000 ang nakuha.
3. Kalampusan sa Negros Oriental
Sa Valencia, Negros Oriental, nadakpan ang usa ka drug dealer sa gabii sa Nobyembre 21. Nakuha gikan kaniya ang 500 gramos nga droga nga nagkantidad og Php3.4 milyon, pinaagi sa usa ka pinasahi nga kolaborasyon tali sa Provincial Drug Enforcement Unit ug Police Drug Enforcement Group Special Operations Unit 7.
4. Operasyon sa Mandaue City
Sa Mandaue City, nakasakmit ang Police Station 3 sa MCPO ug 200 gramos nga droga nga nagkantidad og Php1,564,000.
5. Mga Sting Operations sa Cebu City
Sa duha ka lain-laing operasyon sa Cebu City, nakuha ang 130.25 gramos nga droga nga nagkantidad og Php885,700.
Pagdala sa mga Nakuha nga Droga ug Kaso sa mga Suspek. Ang tanang nakuha nga drogas giproseso ug gidala ngadto sa mga forensic unit alang sa dugang nga pagsusi. Ang mga suspetsado mag atubang ug mga kaso ilalom sa Republic Act 9165 o Comprehensive Dangerous Drugs Act of 2002. (Renante Socia Lada)
(Source: PRO-7 PIO)