Gidakop sa Port Police ang usa ka porter ug laborer sa Pier 2, Barangay San Roque, Dakbayan sa Sugbo, pasado alas 10:00 sa buntag, Nobiyembre 22, 2024.
Ang operasyon nahitabo atol sa saturation drive nga gilusad sa Cebu Port Authority (CPA) aron masiguro ang kaluwasan ug pagsunod sa mga regulasyon sa pantalan.
Ang mga Nadakpan mao sila si; alyas Weng, hingkod ang panuigon, porter nga residente sa Arellano Boulevard, Barangay San Roque. Alyas Jon-jon, 35-anyos nga laborer nga taga Barangay Cantabaco, Toledo City
Mga Nakuha sa ilang position; ilegal nga drogas nga nagkantidad og P68,000, duha ka timbangan, ga drug paraphernalia, ug warta nga nagkantidad og P3,000.
Kalibre 45 nga pistola nga adunay duha ka magazine, mga drug paraphernalia, kwarta nga kapin sa P3,000.
Sumala sa mga kawani sa CPA, naglusad sila og saturation drive ug safety inspection aron masuta kung ang mga trabahante sa pantalan nagsunod sa mga protocol, lakip na ang pagsul-ob og personal protective equipment (PPE).
Samtang nag-inspeksyon, kalit nga nanagan ang duha ka suspetsado ug gibiyaan ang ilang mga bag. Tungod niini, nagduda ang mga awtoridad ug gisusi ang sulod sa mga bag, diin nakit-an ang ilegal nga droga ug armas. (Renante Socia Lada)
(Source: Cebu Port Police)