Gipagawas na kagahapon Enero 14, 2026 ang order of performers sa Sinulog 2026 Grand Parade, usa sa pinakadakong kalihokan sa 461st Fiesta Señor nga gipaabot matag tuig sa Cebu City.
Sumala sa organizers, 37 ka dancing contingent ang motambong ug mosayaw sa Sinulog Grand Parade nga ipahigayon karong Domingo, Enero 18, 2026. Ang parada pormal nga magsugod alas-9 sa buntag ug gitakdang matapos alas-7 sa gabii, depende sa dagan sa programa.
Ang order of performers gimugna aron masiguro ang hapsay nga dagan sa parada, malikayan ang kalibog, ug mahatagan og igong oras ang matag contingent sa ilang performance sa mga main judging areas.
Gilauman nga liboan ka mga deboto, turista, ug katawhan ang motan-aw sa Grand Parade, diin ipakita sa mga mananayaw ang maanindot nga kustiyum sa tradisyonal nga sayaw, ug pasidungog kang Señor Santo Niño pinaagi sa ritmo sa tambol ug sayaw nga Sinulog.
Mipahimangno ang mga otoridad sa publiko nga magplano daan sa biyahe, mosunod sa traffic advisories, ug magbantay sa personal nga kahimtangan atol sa parada, samtang naghiusa ang tanang Sugboanon sa selebrasyon sa Sinulog 2026.
I via Renante Socia Lada