Inaraak dagiti umili iti naisayangkat a Kadiwa ng Pangulo iti sango ti Kapitolio Probinsial.
Nagduduma a tagilako kangrunaanna dagiti kasapulan iti inaldaw aldaw ti naidasar a lako dagiti nakipartisipar a naglako iti sango ti kapitolio.
Karamanen ditoy iti bagas, delata, manteka, itlog, ken nadumaduma pay.
59 met a karton a manteka ti nailako dagitoy malaksid pay dagiti bagoong, patis, soy ken dadduma pay.
Ti Kadiwa ng Pangulo ket maysa paylaeng kadagiti programa ni Pres. Ferdinand “Bongbong” Marcos Jr. iti babaen ti administraasion na kas sungbat pay laeng ti agtultuloy a panagngato iti presio dagiti magatgatang.
Matulungan pay dagiti mannalon ken mangngalap pakairamanan dagiti micro-, small-, and medium enterprises a mangilako kadagiti bukod da a produkto iti lugar a saan da nga agupa iti pagyanan ken manayunan iti mapastrek da.
Ti Kadiwa ng Pangulo ket naiget met a supsuportaran ni Gobernador Matthew Marcos Manotoc gapu ta dakkel a tulong daytoy kadagiti kaprobinsiaan. (Rod Sadian)
(Source: Provincial Government of Ilocos Norte)