Gipahigayon sa Cebu City Police Office (CCPO) ang usa ka semana nga operasyon gikan Setyembre 8 hangtod 14, 2025, pinaagi sa Oplan Bulabog ug Oplan Bakal-Sita batok iligal nga drogas, armas ug krimen sa dakbayan. Sa maong kalihokan, 8 ka drug suspects ang nadakpan ug nasakmit ang 1.59 gramos sa gituohang shabu nga nagkantidad og ₱10,812.
Usa usab ka tawo ang nadakpan tungod sa iligal nga armas.
Gidumala ang operasyon ni Acting City Director PCOL Enrico Evangelista Figueroa uban ang suporta ni PBGEN Redrico A. Maranan, Regional Director sa PRO 7. Labot pa sa mga drug ug firearm cases, gibisita ang 1,570 ka establisyemento diin 336 ka menor de edad ang na-rescue tungod sa paglapas sa curfew. Naghimo usab ang kapulisan ug 39 citation tickets alang sa smoking ug public urination violations.
Matod ni PBGEN Maranan, ang kusog nga presensya sa kapulisan labi na sa high-crime areas dako’g tabang sa pagpugong sa krimen. Gipasiugda usab niya ang importansya sa pakigtambayayong sa komunidad ug mga lokal nga ahensya aron mapadayon ang luwas ug malinawon nga Cebu City.
Source: CCPO
I via Renante Socia Lada