Nahulog sa kamot sa balaod ang tulo ka Most Wanted Persons sa Sugbo human nadakpan sa nagkalain-laing police operations gikan niadtong Marso 28, 2025, subay sa ilang warrant of arrest tungod sa kasong Murder.
Ang suspetsado nailhan nga si alyas “Leo”, 38 anyos, top 4 most wanted, residente sa Brgy. Mambaling, Cebu City. Nadakpan sa Waterfront Police Station 3. Ang warrant of arrest giisyu sa RTC 7 Branch 23 niadtong Marso 21, 2025. Kasamtangang nakatanggong sa Cebu City Jail.
Top 3 Most Wanted Person: Nailhan nga “Talan”, 35 anyos, residente sa Brgy. Carreta, Cebu City. Nadakpan sa Mabolo Police Station 4 subay sa warrant of arrest nga giisyu sa RTC 7 Branch 14 niadtong Pebrero 20, 2025.
Top 1 Most Wanted Person: 27 anyos, residente sa Balamban, Cebu. Nadakpan sa Guadalupe Police Station 9. Ang warrant of arrest giisyu sa RTC 7 Branch 59, Toledo City niadtong Marso 14, 2025.
Ang tulo ka mga akusado nag-atubang sa kaso nga Murder nga walay pyansa.
Si Cebu City Police Office (CCPO) Acting City Director PCOL Enrico E. Figueroa mipasidungog sa tanang operatiba sa ilang malampusong operasyon nga misangpot sa pagkadakop sa Most Wanted Persons aron masiguro nga matubag nila ang ilang mga kalapasan sa balaod.
Source: CCPO
I via Renante Socia Lada