Patay diha-diha ang usa ka negosyante nga lalaki samtang nagmaneho sa iyang sakyanan human gipusil sa riding-in-tandem sa Sitio Lamac, Barangay Ilihan, Tabogon, Cebu, Marso 31, 2025, sa buntag.
Ang biktima giila nga si Dionisio Dosdos Jr., 56-anyos, residente sa Barangay Managase, Borbon, Cebu.
Sumala sa inisyal nga imbestigasyon sa Tabogon Police Station, nasayran nga gipanid-an ang biktima sa duha ka mga lalaki nga luwan sa motorsiklo ug nagpakaila nga kustomer sa ilang construction supply.
Sa paglakaw ni Dosdos Jr. pipila ka metros gikan sa iyang tindahan gipusil kini sa mga mamumuno sa makadaghang higayon na maoy hinungdan sa iyang kamatayon.
Sa pagkakaron nagpadayon pa ang kapulisan sa pagpangita sa mga suspetsado aron matino kung unsay motibo sa krimin. Ila na usab gisusi ang mga CCTV sa maong lugar aron makatabang sa ilang imbestigasyon.
Gihangyo usab sa kapulisan ang publiko nga mutabang sa paghatag og impormasyon aron mapadali ang hustisya alang sa biktima.
I via Renante Socia Lada