Napalgan ang patayng lawas sa usa ka lalaki nga naglutaw sa suba sa Brgy. Bagakay, lungsod sa Sibutad, Zamboanga Del Norte niadtong Marso 29, 2025.
Ang maong biktima nailhan sa pangalan nga si Cesar Banquiao diin gikatahong naanod sa tubig baha kaniadtong Marso 20 pa didto mismo sa Purok Silzo Velez, Sapang Dalaga, Misamis Occidental nga gikatahong kauban sa iyang asawa.
Adtong higayuna dali gilayon nga nakigkoordinar ang mga personahe sa MDRRMO Sapangdalaga sa Sibutad PNP ingon man Rural Health Unit alang na sa makuting imbestigasyon kalabot na sa hitabo.
Sa pagkakaron padayun sa gihapon ang gihimong search and retrieval operation sa mga otoridad alang sa pagrekober sa asawa niini nga hangtud ning pagbalita wa pa nakaplagi.(Angelica T. Obina)
Source: SIBUTAD PNP