Tulo ka mga most wanted nga kriminal ang nasikop sa usa ka adlaw nga operasyon sa managlahing lugar sa Central Visayas, human sa mando sa hepe sa kapulisan nga si Gen. Rommel Francisco Marbil ug Regional Director PBGEN Redrico Maranan. Nagpasalamat si Gen. Maranan sa publiko sa ilang tabang nga aron madakpan ang mga suspetsado.
Sa buntag sa Hunyo 23, 2025, nadakpan sa Matag-ob, Leyte ang 34-anyos nga lalaki nga taga-Compostela, Cebu nga giingong wanted sa tulo ka kaso sa pagpanglugos sa menor de edad. Dili siya puede piyansahan ug ang silot sa iyang sala puwedeng hangtod sa tibuok kinabuhi nga pagkabilanggo.
Sa gabii sa samang adlaw, nadakpan sa Bogo City, Cebu ang 56-anyos nga lalaki tungod sa duha ka kaso sa pagpanglugos. Walay girekomendar usab nga piyansa.
Laing dakop ang nahitabo sa Panglao, Bohol, diin nadakpan ang usa sa mga pinaka-wanted sa rehiyon. Siya giingong wanted sa kaso nga pagpatay ug wala usab gitugot nga makapiyansa.
Gidayeg ni PBGEN Maranan ang panaghiusa sa kapulisan ug gi-awhag ang katawhan nga padayon nga motabang sa kapulisan aron mas daghan pa ang madakpan nga kriminal ug mas mahimong luwas ang Central Visayas.
Source: PRO-7
I via Renante Socia Lada