Malampusong nasakmit ni Joperzon Trazo ang kampeonato sa Philippine Boxing Federation (PBF) Flyweight Division atol sa Boxing sa Plaza 2026 niadtong Sabado, Agosto 22, sa City Hall Grounds sa Mandaue City.
Kabahin ang maong kalihokan sa pagsaulog sa 57th Mandaue City Charter. Daghang Mandauehanon ang mitambong ug misuporta sa mga boksingero nga nakigkompetensya sa nagkalain-laing kategorya gikan 45 hangtod 58 ka kilo.
Si City Councilor Atty. Joel Seno, isip representante ni Mayor Thadeo “Jonkie” Ouano, mipadayag nga ang boxing nagtudlo sa disiplina, kaisog ug kakugi nga importante aron molampos ang usa ka atleta.
Nakadaog usab si Rodulfo Labang sa usa sa mga undercard match, samtang naghuman sa draw ang away nila Arnold Martinez ug Ronnie Barbon. Ang mga mananaog nakadawat og cash prizes, trophy, medal ug championship belt.
Mitambong sa maong kalihokan si Mayor Jonkie Ouano, Congresswoman Emmarie “Lolypop” Ouano-Dizon, mga konsehal sa Mandaue City, Liga ng mga Barangay President Kap Dante Borbajo ug ABAP Region VII President Lorenzo “Chao” Sy.
Gitumong sa Boxing sa Plaza 2026 ang pagpalambo sa talento sa mga batan-ong boksingero ug pagdasig kanila nga ipadayon ang ilang pangandoy sa boxing.
I via Renante Socia Lada