Kinatibuk-ang 2,559 ka barangay workers sa 7th District ang nakadawat og cash assistance ug gift packs gikan sa Provincial Government sa Cebu isip padayon nga pag apod-apod sa 2025 cash incentives.
Ang dinungan nga pag apod-apod sa tabang gipahigayon niadtong Enero 13, 2026 sa mga lungsod sa Moalboal ug Malabuyoc. Nakabenepisyo niini ang mga barangay workers gikan sa Moalboal nga may 402 ka benepisyaryo, Badian nga 712, Alegria nga 498, Ginatilan nga 297, ug Malabuyoc nga 650 ka benepisyaryo.
Mitambong sa maong kalihokan ang mga miyembro sa 7th District Provincial Board nga sila Board Member Paz Razgoni ug Board Member Sarsi Baricuatro, isip pagpakita sa suporta sa probinsyal nga kagamhanan ngadto sa mga barangay frontliners.
Nakita usab sa maong ayuda ang presensya sa mga lokal nga mayor sa lungsod nga sila Mayor Inocentes Cabaron sa Moalboal ug Mayor Erlinda Piedad sa Malabuyoc, nga nagpasalamat sa Capitol sa padayon nga tabang alang sa ilang mga barangay workers.
Sumala sa Provincial Government, tumong nila nga makompleto ang pagtabang sa cash incentives sa tanang barangay workers sa probinsya sa dili pa matapos ang bulan, lakip na ang mga gikan sa island municipalities, isip pag-ila sa ilang serbisyo ug sakripisyo sa komunidad.
Source: Cebu Province PIO
I via Renante Socia Lada