Cebu City – Aron sa pagpaluag sa mga sobrang panagtapok, gisugyot ni Konsehal Phillip Zafra ang dili lang usa kundi, dugang mga schedule sa daily nga Misa de Gallo sa nag-angat nga Christmas.
Si Zafra, kinsa maoy chairman sa committee on peace and order, nagkanayon nga dunay panginahanglan alang sa dugang mga schedules sa dawn masses aron sa paglikay sa overcrowding, bisan sa pagpaluag sa restrictions batok sa Covid-19.
Sa miaging duha ka tuig, matod ni Zafra nga dunay dugang mga mass schedule ang gipahigayon: usa sa gabii ug laing misa sa kadlawon.
Tungod sa maong mga schedules, dunay dugang kapilian ang katawhan, sigon pa sa konsehal.
Duna say mga parokya nga nagpahigayon ug live streaming aron kadtong naa sa ilang tagsa tagsa ka panimalay, lakip na ang mga seniors ug persons with disabilities, maka paminaw sa mga misa.
Gipanglantawan nga mas modaghan ang mga Sugboanon nga mo attend sa physical masses ning tuiga isip pagbawi sa mangitngit nga Christmas sa miaging tuig gumikan sa bagyong Odette ug sa pandemic.
Gibutyag ni Zafra nga pormal niyang ipahibaw ang iyang rekomendasyon sa higayon nga magtagbo sila sa mga representanti sa simbahan.
Kini nagkanayon nga makigtagbo sab siya sa mga representanti sa Cebu City Police Office pag plansa sa security plan sa dili pa ang Misa de Gallo.
“Basta ingon ana nga mga panahon (Misa de Gallo), ato man gyud nang mapaabot ang pagdagsa sa katawhan. Maong ato gyud nga pangandaman,” mensahi ni Zafra.
Sa miaging All Saints’ Day ug All Souls’ Day, gi encourage sab ni Zafra ang mga mibisita sa menteryo nga pabiling magsul-ob ug face mask bisan kon dili na kini mandatory sa indoor settings, labi na sa mga nabakunahan, gawas lang sa mga healthcare facilities ug medical ug public transportation, ma air, land o sea travel.
Alang ni Zafra nga prevention is better than cure. (Jhon Tadlip)
(News & photo courtesy of Cebu City Council-Committee on Peace and Order)