Nadakpan ang usa ka 20-anyos nga lalaki sa usa ka search warrant operation nga gipahigayon sa Cebu City Police Office (CCPO) kagahapon Marso 26, 2026 sa Sitio San Roque, Barangay Lorega San Miguel, Cebu City.
Ang operasyon gipangulohan sa Parian Police Station 1 ubos sa pagdumala ni PMAJ Alvino B. Enguito, samtang ang CCPO gipangulohan ni PCOL. George V. Ylanan.
Giila ang nadakpan sa alyas “Paloap,” nga nasakpan pinaagi sa warrant nga gi-isyu sa korte.
Sa operasyon, nakuha gikan sa suspek ang usa ka .38 caliber revolver nga walay serial number ug duha ka buok bala.
Ang suspek karon anaa na sa kustodiya sa kapulisan ug atubangon ang kaso sa paglapas sa Republic Act 10591 o Comprehensive Firearms and Ammunition Regulation Act.
Gipadayag sa CCPO nga padayon nilang palig-onon ang ilang kampanya batok sa loose firearms aron masiguro ang kaluwasan ug seguridad sa publiko.
Source: CCPO
I via Renante Socia Lada