Nakab-ot sa Cebu City Police Office ang dali ug epektibong aksyon human sa usa ka insidente sa pagpamusil nga nahitabo sayo sa buntag, Marso 27, 2026 sa Cebu City, nga naglakip sa usa ka security guard ug duha ka biktima.
Sumala sa pamahayag ni PCOL George V. Ylanan, Officer-in-Charge sa CCPO, dali nga mitubag ang ilang mga operatiba gikan sa Tactical Motorcycle Riding Unit (TMRU), Mobile Patrol Unit (MPU), Special Weapons and Tactics (SWAT), ug Sawang Calero Police Station 6. Tungod sa ilang hiniusa ug paspas nga lihok, nadakpan ang suspek sulod lamang sa tulo (3) ka minutos sukad sa ilang pagresponde.
Giingon sa CCPO nga ang dali nga aksyon sa kapulisan nakapugong sa posibleng dugang kadaot ug nagpakita sa ilang ka-andam, disiplina, ug kahanas sa operasyon aron mapanalipdan ang katawhan.
Gipasalig usab sa CCPO nga padayon silang magbantay aron masiguro ang kalinaw ug kahapsay sa komunidad. Giawhag ang publiko nga magpabiling kalmado tungod kay kontrolado na ang sitwasyon samtang nagpadayon ang imbestigasyon.
Source: CCPO
I via Renante Socia Lada