Gipahibalo ni Cebu City Mayor Nestor Archival niadtong Enero 12, 2026 nga tanan 17 ka contingents sa Sinulog sa Dakbayan opisyal nang nakapasar ug makasangka sa Sinulog 2026 Grand Parade and Contest.
Matod sa Mayor, ang pagpasa sa tanang contingents nagpakita sa kakugi, disiplina, ug pagkamamugnaon sa mga performers, lakip na ang ilang lawom nga debosyon kang Señor Santo Niño, nga sentro sa pagsaulog sa Sinulog.
Gisulti usab ni Mayor Archival nga dad-on sa mga contingents sa kadalanan sa Dakbayan sa Sugbo ang tinuod nga espiritu sa Sinulog pinaagi sa aktubo nga sayaw, hapsay nga pagtuktok sa tambol, ug maamindot nga mga kasuotan nga nagpakita sa kultura ug pagtuo sa mga Sugboanon.
Dugang pa sa Mayor, dili lang talento ang ipakita sa mga performers kondili usa usab kini ka pagpakita sa panaghiusa ug pagpasalamat alang sa mga grasya nga nadawat sa probinsya ug siyudad.
Gitawag usab ni Mayor Archival ang tanang Sugboanon ug mga bisitang deboto nga suportahan ang mga contingents atol sa Grand Parade, ug gipasiugda nga ang Sinulog nagpabiling usa ka selebrasyon nga naghiusa sa tibuok komunidad.
I via Renante Socia Lada