Nakaplagan kagahapong adlawa sa kadagatan sa Barangay Punta, San Remigio, Cebu ang usa ka patay nga lawas sa lalaki, sumala sa pamahayag sa San Remigio Municipal Police Station.
Wala pa mailhi ang biktima ug wala usab matino ang iyang gigikanan. Matod sa kapulisan, ang lalaki adunay tattoo nga “Archie” sa wala nga dughan ug “Yin Yang” sa tuo nga abaga, nga posibleng makatabang sa pag-ila kaniya.
Gidala ang lawas sa Northerner Funeral Homes alang sa husto nga pag-atiman ug disposisyon. Ang kapulisan naghangyo sa publiko nga motabang pinaagi sa paghatag og bisan unsang impormasyon nga makatabang sa pag-ila sa biktima.
Padayon ang imbestigasyon sa San Remigio MPS aron matino ang hinungdan sa kamatayon ug masuta kung adunay bay foul play o aksidente lang.
Nagpasalamat ang kapulisan sa suporta ug kooperasyon sa komunidad, ug nagpahimangno sa tanan nga motabang sa impormasyon alang sa hustisya sa biktima.
I via Renante Socia Lada