Padayon karon ang search and rescue operation sa lungsod sa Catmon, Cebu alang sa usa ka 17 anyos nga mananagat nga gitaho nga nawala samtang nanagat.
Ang na-missing nga batan-on giila nga si Romar Pardillo, residente sa Barangay Flores, Catmon. Sumala sa inisyal nga impormasyon, wala na siya nakapauli human sa iyang pagpanagat, hinungdan nga dali nga milihok ang mga otoridad.
Nagkahiusang nagpatuman sa operasyon ang Municipal Disaster Risk Reduction and Management Office (MDRRMO), Philippine Coast Guard, ug Bantay Dagat, nga nangita sa mga dapit sa dagat nga posibleng giadtuan sa batan-on.
Uban usab sa operasyon ang mga lokal nga rescuers ug volunteers, samtang padayon ang pagpalapad sa search area aron dali siyang makit-an.
Ang lokal nga kagamhanan nag-awhag sa katawhan nga kung adunay impormasyon nga makatabang sa pagpangita, palihog ipahibalo dayon sa mga awtoridad. Gi-awhag usab ang tanan sa pag-ampo alang sa luwas nga pagkakita sa batan-on.
I via Renante Socia Lada