Nakapahigayon og dagkong kalampusan ang Cebu Police Provincial Office (CPPO) atol sa Disyembre 8 hangtod 14, 2025, isip kabahin sa padayon nga paningkamot sa pagmintinar sa kalinaw, kahapsay, ug kaluwasan sa tibuok lalawigan sa Cebu. Kini nga mga kalampusan nahimo ubos sa liderato ni PCOL Abubakar Udang Mangelen Jr.
Sa kampanya batok sa iligal nga drogas, 29 ka operasyon ang gihimo nga miresulta sa 42 ka nadakpan. Nakumpiskar ang 37.96 gramos sa shabu nga nagkantidad og ₱258,128.00, ug 69 ka kaso ang napasaka sa korte.
Sa operasyon batok sa mga pinangita sa balaod, 20 ka operasyon ang gilusad ug 22 ka warrant of arrest ang naserbisyuhan, nga miresulta sa pagkadakop sa 20 ka personalidad, lakip na ang 5 ka Most Wanted Persons ug 15 ka Other Wanted Persons. Walay namatay nga natala atol sa mga police operation sa maong panahon.
Sa kampanya batok sa iligal nga pagpanag-iya sa armas, 6 ka operasyon ang nahimo nga miresulta sa 4 ka nadakpan, 4 ka armas ang nakumpiska, ug 2 ka armas ang boluntaryong gihatag. Upat ka kaso ang napasaka. Wala’y nakuhang eksplosibo ug wala usab nahimong Oplan Katok niadtong semanaha.
Padayon usab ang hugot nga kampanya batok sa iligal nga sugal, diin 14 ka operasyon ang gihimo, 20 ka personalidad ang nadakpan, ₱4,256.00 ang nakumpiskar, ug 14 ka kaso ang napasaka sa korte.
Samtang, sa estrikto nga pagpatuman sa lokal nga mga ordinansa, 1,278 ka operasyon ang gihimo. Tungod niini, 411 ka personalidad ang gipamulta, 81 ka persona ang gihatagan og pasidaan, ug 54 ka indibidwal ang gipalalom sa ubang angay nga aksyon. Nakatigum og ₱18,800.00 nga multa ang kapulisan.
Kini nga mga kalampusan nagpakita sa lig-on ug hiniusang paningkamot sa CPPO sa pagpatuman sa balaod ug sa pagseguro sa mas luwas ug mas hapsay nga Cebu alang sa tanan.
Source: CPPO
I via Renante Socia Lada