Dakong sunog ang miigo sa Sitio Ermita Proper, Brgy. Ermita, Sugbo niadtong Sabado de Gloria, Abril 4, 2026, pasado alas 7:00 sa gabii, nga nakaapekto sa 166 ka pamilya o kinatibuk-ang 579 ka tawo.
Sa 46 ka balay nga naapektuhan sa sunog, 32 niini hingpit nga nawad-an og gamit samtang 6 ka balay ang partially damaged.
Ang mga naapektuhan naglangkob sa 41 ka renters, 79 ka sharers, 9 ka lodger, 6 ka absentee owner, ug duha pa ka residente sa maong lugar.
Ang danyos gi bana-bana nga anaa sa ₱2 milyon, ug giisa kini sa 3rd alarm status. Ang insidente dali nga gitubag sa kabomberohan aron dili kini mukaylap sa ubang panimalay.
Sa pagkakaron, ang mga naapektuhan gipahimutang sa Ermita Gym ug Ermita Elementary School samtang padayon ang relief operations ug paghatag og suporta sa mga pamilya nga nawad-an og balay ug gamit.
I via Renante Socia Lada