Ang Police Regional Office 7 (PRO7) nga nakasakmit ug nakapahunong sa usa ka iligal nga operasyon sa paghimo og armas sa Danao City, nga nagresulta sa pagdakop sa suspek.
Sa alas 3:15 sa kadlawon sa Abril 2, 2026, nakadawat og report ang Danao City Police Station gikan sa usa ka nagpakabana nga lungsoranon bahin sa posible nga ilegal nga paghimo og armas sa Purok 3, Sapangdako, usa ka bukiran ug hilum nga lugar. Ang suspek, nailhan sa alyas nga “Rody,” 48 anyos, giingong nagbuhat sa operasyon sa kadlawon.
Sa pag-abot sa pulis, nadakpan ang suspek samtang nag-assemble og armas sulod sa usa ka abli nga payag. Wala siya makapakita og legal nga permit o otoridad, busa gidakop siya sa alas 3:55 sa kadlawon.
Nasakmit sa otoridad ang lain-laing firearm components ug kagamitan sa paghimo og armas, lakip na ang wala nahuman nga .45 lower receiver, duha ka magazines, metal frame pattern, assorted metal pieces, ug tools sama sa lathe machine, grinder, bench vise, saws ug blades, hammers, pliers, L-squares, screwdriver, ug welding rods, nagpamatood nga aktibo gyud ang fabrication site.
Gidala ang suspek ug mga nakuhang butang sa presinto para sa dokumentasyon. Ipasaka usab ang kaso batok kaniya sa City Prosecutor’s Office tungod sa paglapas sa Republic Act 10591.
Gipasiugda ni PBGEN Redrico A. Maranan ang kamahinungdanon sa operasyon.
Gisaad sa PRO7 sa publiko nga padayon ug mas palig-onon pa ang operasyon aron mapanalipdan ang mga komunidad sa Central Visayas.
Source: PRO7 PIO
I via Renante Socia Lada