Inubanan sa pagsaulog sa 456th Founding Anniversary sa Probinsya sa Sugbo, 12 ka bag-ong nadawat nga mga doktor ang mipakita og respeto kang Gobernadora Pamela Baricuatro kagahapong adlawa, Agosto 6, human mapirmahan ang ilang kontrata uban sa Kapitolyo.
Ang mga doktor ipahimutang sa mga ospital sa Kapitolyo nga nahimutang sa Argao, Barili, Daanbantayan, Danao City, Carcar City, Minglanilla, Tuburan, ug Sogod.
“I would like to thank each and every one of you for accepting our offer and for your willingness to help the Province of Cebu in our quest to improve the healthcare system,” segon ni Gobernor Baricuatro.
“Thank you kaayo, doctors, and know that you have my full support,” dugang niya.
Matod ni Dr. Nikki Catalan, Piso Public Health Consultant, kining 12 ka doktor kabahin sa unang batch sa 78 ka posisyon nga gi-diretsong pabutangan sa gobernador aron mapalig-on ang serbisyo medikal sa probinsya.
Sa unang semana pa lang sa hiring, nakadawat na ang Kapitolyo og 1,858 ka aplikasyon para sa nagkalain-laing healthcare positions sama sa nurses, medical technologists, ug ubang medical personnel.
“Definitely helpful kaayo ni sila kay ganahan sad sila mo-help sa atoa. First round ra gyud ni sila to augment our healthcare workforce,” matod ni Dr. Catalan.
Si Dr. Rachelle Espina, nga i-assign sa Cebu Provincial Hospital sa Danao City, mipadayag sa iyang paglaum sa direksyon sa Kapitolyo.
Source: Cebu Province PIO
I via Renante Socia Lada