Nagpadayon ang Cebu Provincial Government ubos sa liderato ni Gob. Pamela S. Baricuatro sa paghatag og pinansyal nga tabang ngadto sa mga habal-habal drivers sa Bantayan Island.
Kagshapon Abril 28, 2026, matag usa sa 192 ka benepisyaryo nakadawat og ₱3,000 nga ayuda. Apil niini ang 67 ka drayber gikan sa Bantayan, siyam gikan sa Santa Fe, ug 116 gikan sa Madridejos.
Ang pagpanghatag sa ayuda gipangunahan sa Provincial Social Welfare and Development Office ug Provincial Treasurer’s Office, uban sa kooperasyon sa mga lokal nga gobyerno sa maong mga lungsod.
Mitambong usab sa kalihokan si Nelson Mondigo, miyembro sa Provincial Board sa ika-upat nga distrito.
Sumala sa probinsyal nga gobyerno, ang maong programa kabahin sa padayon nga paningkamot sa pagtabang sa mga drayber nga naapektuhan sa kalisod sa panginabuhi, ilabi na sa mga isla nga komunidad sama sa Bantayan.
Source: Cebu province PIO
I via Renante Socia Lada