CAGAYAN DE ORO CITY- Nagmando karon si City Mayor Oscar Moreno sa mas strikto nga kamanduan bisan pa sa iyang pagpahimangno sa mga residente nga dili sayon-sayunon ang hulga sa Covid-19. Ang iyang mensahe, ayaw hagita ang otoridad. Kini nga pamahayag giluwatan sa Mayor tapos siya nadismaya sa taho nga daghan pa gihapon sa katawhan sa CDO ang wala mosunod sa mga gipatuman nga preventive measures dinhi sa syudad.
Sa kabahin sa curfew, iya kining gipasayuhan. Gikan sa alas diyes sa gabii, kini iya nang gihimo nga alas nuwebe sa gabii ngadto na alas singko sa buntag. Sa susamang higayon atol sa press conference kagahapon, siya nagmando sa kapolisan sa hingpit nga pagpatuman sa City Ordinance sa syudad batok sa mga outdoor drinking nga gakahitabo. Matud sa Mayor, ayaw hagita ang mga police ug Task Force Oro sa pagpatuman sa balaod nga wala mauyuni sa mga hingtungdan.