Probinsiya sa Sugbo gipailawom na sa enhanced community quarantine

Probinsiya sa Sugbo gipailawom na sa enhanced community quarantine

by RPN News
73 views

Cebu City- Gipaubos na ang lalawigan sa Sugbo sa enhanced community quarantine tungod sa kompirmadongpresumptive positive casessa coronavirus disease kun Covid 19.

Miluwat si Gob. Gwendolyn Garcia gabii og executive order no. 5-N nga nagbutang sa probinsiya sa maong matang sa kwarantina.

Gihimo ni Garcia ang deklarasyon nunot sa anunsyo sa Department of Health kun DOH 7 nga aduna nay 15 ka ‘presumptive possitive’ sa virus sa mga siyudad sa Sugbo, Mandaue ug Lapulapu ug sa probinsya.

Ang siyam kapresumptive positive caseswalay labot sa positibong kaso nga anaa sa usa ka ospital sa dakbayan sa Mandaue.

Segun sa EO, gikinahanglan ang deklarasyon aron mapatuman ang mas estrikto nga pamaagi paglikay ug pagpugong sa pagkatap sa virus.

Sa sayo pa, gipahibawo ni Garcia nga makigtagbo siya sa mga mayor sa 44 ka lungsod ug pito ka siyudad aron pagtuki sa mga protocol nga angayng ipatugbaw sa pagpailawom sa Cebu sa enhanced community quarantine.

Gihulagway sa gobernador nga ang maong measure maisip nang lockdown nga maoy giawhag kaniya sa mga nitizens.

0 comment

Related Posts