Basi sa Weather Forecast sa PAGASA ganihang 5:00 sa buntag, ang sentro sa Bagyong “AGATON” mikusog ug nahimo nang Tropical Storm. Kini anaa na sa bahin sa Guiuan, Eastern Samar; kakusgong 65 kph ug 10 kph nga paglihok sa Kasadpan Amihanang-kasadpan (West Northwestward) ganihang 4:00 sa buntag. Ang bagyo magpabiling Tropical Storm apan posibli usab muhinay ngadto sa Tropical Depression.
Samtang adunay gibantayang bag-ong Low Pressure Area sulod sa PAR. Kini anaa na sa 410 km Kasadpan Habagatang-kasadpan (West Southwest) nga bahin sa Puerto Princesa City. Ang LPA GAMAY ang posibilidad nga mahimong bagyo.
Ang tibuok Mindanao makasinati sa mapanganuron nga kalangitan inubanan sa katag – katag nga pag ulan, kilat ug pagpanalugdog tungod sa TS “AGATON”/LPA.
Forecast Positions of TS “AGATON”:
– 12-Hour Forecast 2:00 PM 10 April 2022: Over the coastal waters of Mercedes, Eastern Samar
– 24-Hour Forecast 2:00 AM 11 April 2022: In the vicinty of Quinapondan, Eastern Samar
– 36-Hour Forecast 2:00 PM 11 April 2022: In the vicinty of Lawaa, Eastern Samar
– 48-Hour Forecast 2:00 AM 12 April 2022: Over the coastal waters of Balangiga, Eastern Samar
– 60-Hour Forecast 2:00 PM 12 April 2022: Over the coastal waters of Guiuan, Eastern Samar
– 72-Hour Forecast 2:00 AM 13 April 2022: 570 km East of Guiuan, Eastern Samar
Ang Bagyo (International name Tropical Storm “MALAKAS”) GAWAS sa PAR anaa na sa gilay-ong 1,790 km Sidlakan (East) nga bahin sa Mindanao; kakusgong 85 kph ug paglihok nga 25 kph Amihanang-kasadpan (Northwestward).
Kasarangan (moderate) ngadto sa kusog (strong) nga hangin gikan sa Amihanang-sidlakan (Northeast) ngadto sa Amihanang-kasadpan (Northwest) nga maoy mo-resulta sa 1.2 – 3.4 meters nga balud sa kadagatan sa tibuok Mindanao.
Madag-umon sa CDO karong orasa.
Madag-umon ngadto sa hinay (light) nga pag ulan ang nasinati sa ubang parti sa Libona; Mampayag, Dahilayan ug Lindaban, Manolo Fortich. (Kining mga lugara mao ang tinubdan sa tubig nga makapabaha sa Lapasan paingon sa Bugo)
Madag-umon sa Talakag ug Baungon. (Kining mga lugara ang makapasaka sa tubig sa suba sa Cagayan)
NORMAL ang LEVEL sa tubig sa mga suba sa Cagayan ug Iponan.
CDRRMD pabilin sa pag monitor. (CDRRMC Oro Rescue Team)