Casino, Ablihan Sa Gensan City

Casino, Ablihan Sa Gensan City

by RPN
78 views

Gipahigayon ang soft opening sa Casino kon pasugalan dinhi sa syudad sa Gensan nga pagadumalahon sa Robinsons place ning syudad ubos sa Pagcor kon Philippine Gaming Corporation. Nasayran gikan kang Barangay South Kapitan Rock Garay nga ipahigayon ang maong pag abli sa Casino dinhi sa syudad atol sa selebrasyon sa Edsa people power anniversary . Pabor kini sa maong matang sa pasugal basta mosubay ug motuman lamang sa balaud sa lokal nga gobyerno ug patakaran sa national government. Samtang naglaum kini nga mas pahugtan ang seguridad sa dakbayan tungod daghan unya mga dayo gikan sa laing mga lugar nga manugal sa casino . Naglaum laum usab kini nga makahatag ug kaayohan sa ekonomiya sa Gensan ang maong casino sulod unya sa usa ka dakong hotel nga gipanag iyahan sa Robinson company. Hinuon nigatibo ang reaction sa simbahan sa maong hisgutanan tungod sa panglantaw nga makadugang lamang kini sa kapobrihon sa mga tawo nga malolong sa sugal. Wala pa hinuoy pamahayag kalabot niini ang pamunuan ni Gensan City Mayor Ronnel Rivera. (Ronel Degorio)

0 comment

Related Posts