Kiniddaw ti Ilocos Norte Electric Cooperative wenno INEC iti pangsuportar ti gobierno probinsial ti plano a panangipasdek ti 69Kv sub-transmission line manipud ti barangay Pila ken Sta. Qoaquina agingga idiay barangay Buyon ken Pasiocan, Bacarra kadaytoy a tawenbabaen iti panangipadanunda ti surat iti opisina ni Governor Matthew Marcos Manotoc ken Vice Governor Ceciia Araneta Marcos.
Ti nasao a plano ket paset ti ‘’development action plan’’ ti nadakamat a kooperatiba tapno maipaayan ti agtultuloy a ngumat-ngato a demand dagiti consumers iti Bacarra ken amyananen a paset ti suidad ti Laoag ken Vintar.
Kangrunaan a kiddawda ket ti suporta ti gobierno probinsial iti INEC para ti panangala ti Right-of-Way kadagiti madalapos iti pannakaipasdek ti nasao a transmission line.
Impaima ni Vice Governor Cecilia Araneta Marcos daytoy a kiddaw ken surat ti INEC iti committee on Laws ken Landed Estate ti Sangguniang Panlalawigan kabayatan ti chairman’s time ti kaudian a session.
Gagem ni Marcos a maadal a nasayaat ti kiddaw ti INEC tapnu Makita nu siasino dagiti maapektaran ti ROW ken ti panangipasigurado a masolbar ti nayun a demand dagiti consumers kadagiti nadakamat nga ili.
Â