HINIUSANG gipahigayon sa kagamhanang lokal sa Cagayan de Oro pinaagi sa Office for Senior Citizens (OSCA) ug National Commission of Senior Citizens (NCSC Region 10) ang ikaduhang hugna sa Expanded Centenarians Act Program cash gift distribution, Abril 11, 2025 diha sa City Tourism Hall.
Mokabat sa 164 ka mga qualified senior citizens ang benipisyaryo sa nasangpit nga programa diin nakadawat og 10,000 pesos cash gift ang 133 ka mga octogenarians o mga senior citizens nga nag-edad og untop 80 ug 85 anyos, 30 usab ka mga nonagenarians kon mga senior citizens nga nag-edad og untop 90 ug 95 anyos, samtang usa usab ka centenarian o senior citizen nga nag-edad og 100 years old ang midawat sa 100,000 pesos nga cash gift.
Dungan usab nga gipahigayon sa City Health Insurance Office ug City Health Office ang first patient encounter & consultation sa tuyo nga mahatagan og libreng medical check-up ug mahatagan sa tambal ug vitamins ang mga senior citizens.
Ang maong kalihokan agi’g pasalamat sa gobyerno sa mahinungdanong papel sa mga senior citizens alang sa komunidad.