Taliwala sa kasamtangang krisis sa pandemiyang Covid-19 nagmalampuson ang gipahigayong “Capability Building: Managerial Training” sa Kagamhanang Lokal sa Dipolog pinaagi sa City Cooperative and Development Office (COOP) ning dakbayan uban sa kooperasyon sa Department of Trade and Industry (DTI) niadtong nakalabay nga adlaw didto sa Livelihood Training Center, LSDEC, Dipolog City alang sa mga miyembro sa Galas Makugihon Women Livelihood Association.
Ang maong kalihokan nga misagup sa temang: “Helping Micro Small and Medium Enterprises (MSMES) Prosper in the New Normal” ang gipahigayon isip “Post-Activity” sa tinuig nga selebrasyon sa “Cooperative Month” sa bulan sa Oktubre aron paghatag kanila sa dugang kahibalo ug paggiya kanila sa pagdala ug pagpalambo sa negosyo bisan pa panahon sa pandemyang Covid-19.
Gituki atol sa bansay-bansay ang “5 S (Sort, Systematize, Sweep, Sanitize & Self-Discipline) of Good Housekeeping”, “Pricing ug Costing” ug “ Business Resiliency”.
Matud pa ni City Cooperative Development Officer, Ms. Elena Doris Sarande, nga kasamtangang gisugdan sa maong asosasyon ang pagbaligya ug paghimo sa organic nga ‘pansit’ nga adunay sahog sa malunggay ug kalabasa nga gulay ug wala kini gisagulan og ‘preservatives’.
Gipahibalo ni COOP Officer Sarande, nga mapalit usab ang organic nga pansit mismo sa ilang buhatan ug mikantidad kini sa ₱ 40.00 ka pesos matag 250 grams o 1 pakete.
Lakip sa mitambong atol sa kalihukan, sila si DTI SSF Coordinator, Erickson Mier ug Maria Asley Quezon ug Mary Joy Castillon sa DTI isip guest speakers.
Nasayran nga ang maong bansay-bansay ang gipahigayon usab ngadto sa Diwan Farmers Agriculture Cooperative niadtong Nobyembre 11 didto sa Diwan Covered Court ug Sinaman Women Sustainable Livelihood Association niadtong Nobyembre 6 didto sa Sinaman Livelihood Center, ning dakbayan alang sa ilang panginabuhian.
(City Information Office | OIC Lyza Bautista, RPN DXKD Dipolog)