30 C
Manila
Friday, March 29, 2024

‘’Fish Hatchery’’ Ti Probinsia, Plano A Maipasdek Idiay Pasuquin Ilocos Norte

- Advertisement -

Manamnama a maipasdek iti mabiit ti ‘’fish hatchery’’ wenno pagpaanakan ti ikan ditoy Ilocos Norte.

Segun kenni Provincial Agriculture Mrs. Norma Lagmay, eksklusibo daytoy a pagpaanakan ti Malaga ken bangus.

Imbatadna a ti nailungalong a pakaiyestablisaran ti nasao a proyekto ket idiay Pasuquin Fish Farm iti Brgy. Nalbo ti ili a Pasuquin.

Inbunannagna nga agdagup iti sangapulo ket lima a milyon a pisos ti inaprobaran ti Bureau of Fisheries and Aquatic Resources a para iti nasao a proyekto a kiniddaw ni Gob. Matthew Marcos Manotoc.

Inlawlawagna a karaman ditoy ken pasdek ken dagiti masapol a ramramit pakairamanan ti panagsanay dagiti mangiwanwan iti daytoy a proyekto.

Kunana a aglawa ti maipasdek a proyekto iti dua a gasut nga square meters.

Inbunannagna a I maipabaklay a pannakabagi ti gobierno probinsial iti nasao a ‘’fish hatchery’’ ket ti lote a pakaipayakderanna.

Innayonna a napinget ti kalikagum ti gobierno a maipatungpal a dagus ti nasao a proyekto rason a paiyap-apura ti BFAR dagiti papeles para iti pannakaisayangkat ti bidding intono Disyembre kinse. (Ronald Domingo, RPN DZRL Batac)          

(Source: Provincial Government of Ilocos Norte)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -